ಆತ, ಐದು ರಾಜ್ಯಗಳಿಗೆ ಬೇಕಾಗಿದ್ದ ನಟೋರಿಯಸ್ ದರೋಡೆಕೋರ. ಆತನ ಮೇಲೆ 80 ಕ್ಕೂ ಹೆಚ್ಚು ಕಳ್ಳತನ, ದರೋಡೆ ಪ್ರಕರಣ ಧಾಖಲಾಗಿತ್ತು.
ಆ ನಟೋರಿಯಸ್ ದರೋಡೆಕೋರನ ಹೆಸರು ಪಾಲಾ ವೆಂಕಟೇಶ್. ಆಂಧ್ರಪ್ರದೇಶದ ಕರ್ನೋಲ್ ನವನಾದ ಪಾಲಾ ವೆಂಕಟೇಶ್ ಕಳೆದ 6 ತಿಂಗಳ ಹಿಂದೆ ನವಲೂರು ಹೊರವಲಯದಲ್ಲಿ ದರೋಡೆ ಮಾಡಿದ್ದ.
5 ರಾಜ್ಯಗಳ ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸಿದ್ದ ಪಾಲಾ ವೆಂಕಟೇಶ್, ಕರ್ನಾಟಕದ ಪೊಲೀಸರಿಗೆ, ಅದು ಹುಬ್ಬಳ್ಳಿ ಧಾರವಾಡ ಪೋಲಿಸರಿಗೆ ಸಿಕ್ಕು ಬಿದ್ದಿದ್ದ.
ಆತನನ್ನು ದರೋಡೆ ನಡೆದ ಸ್ಥಳಕ್ಕೆ ಕರೆತರುವ ವೇಳೆ ಪಾಲಾ ವೆಂಕಟೇಶ್, ಪೊಲೀಸ್ ಸಿಬ್ಬಂದಿ ಮೇಲೆ ಹಲ್ಲೆ ನಡೆಸಿ, ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾನೆ.
ಕೂಡಲೇ ಎಚ್ಚೆತ್ತುಕೊಂಡ ಪೊಲೀಸರು ಪಾಲಾ ವೆಂಕಟೇಶ್ ನ ಮೇಲೆ ಗುಂಡು ಹಾರಿಸಿದ್ದಾರೆ. ಪೊಲೀಸರು ಹಾರಿಸಿದ ಗುಂಡು, ಪಾಲಾ ನ ಎರಡು ಕಾಲಿಗೆ ಹೊಕ್ಕಿವೆ.
ಸದ್ಯ ಪಾಲಾನನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ಧಾಖಲು ಮಾಡಲಾಗಿದೆ. ಗಾಯಗೊಂಡ ಪೋಲಿಸ್ ಸಿಬ್ಬಂದಿಯನ್ನು ಆಸ್ಪತ್ರೆಗೆ ಧಾಖಲು ಮಾಫಲಾಗಿದೆ. ಸ್ಥಳಕ್ಕೆ ಪೊಲೀಸ್ ಕಮಿಷನರ್ ಶಶಿಕುಮಾರ ಭೇಟಿ ನೀಡಿದ್ದಾರೆ.
