ಧಾರವಾಡ ಜಿಲ್ಲೆಯಲ್ಲಿ ಹೊಸ ವರ್ಷಾಚರಣೆಗೆ ಬಾರ್ ಅಂಗಡಿಗಳು ಮಧುವನಗಿತ್ತಿಯಂತೆ ಶೃಂಗಾರಗೊಂಡಿವೆ. ಬಣ್ಣ ಬಣ್ಣದ ಲೈಟಿಂಗ್ ಗಳು ಬಾಟಲಿ ಕೊಳ್ಳುವಾಗಲೇ ನಶೆ ಏರಿಸುತ್ತವೆ. ಅಷ್ಟರ ಮಟ್ಟಿಗೆ ಬಾರ್ ಅಂಗಡಿಗಳು ಅಲಂಕೃತಗೊಂಡಿವೆ.
ತರಹೇವಾರಿ ಬ್ರಾಂಡ್ ಗಳನ್ನು ತರಿಸಲಾಗಿದೆ. ಬೆಳಿಗ್ಗೆ ಬಾರ್ ಅಂಗಡಿಗಳಲ್ಲಿ ಊದಿನಕಡ್ಡಿ ಹಚ್ಚಿ ದೀಪ ಬೆಳಗುವಷ್ಟರಲ್ಲಿ ಗಿರಾಕಿಗಳು ಬರಲು ಆರಂಭವಾಗುತ್ತವೆ.
ಧಾರವಾಡ ಜಿಲ್ಲೆಯಲ್ಲಿ ಒಟ್ಟು 260 ಬಾರ್ ಅಂಗಡಿಗಳಿವೆ. ಬಾರ್ ಅಂಗಡಿಗಳ ಮಾಲೀಕರಿಗೆ ಡಿಸೆಂಬರ್ 31 ಬಂತು ಅಂದರೆ ಹಬ್ಬನೇ ಹಬ್ಬ.
ಅಂದು ಒಂದು ಕ್ವಾರ್ಟರ್ ಕುಡಿಯುವವರು ಎರಡು ಕ್ವಾರ್ಟರ್ ಕುಡಿದು ಹೊಸ ವರ್ಷವನ್ನು ಸ್ವಾಗತಿಸುತ್ತಾರೆ.
ಕೆಲವರು ಕುಡಿದು, ಬಟ್ಟೆ ಹರಿದುಕೊಂಡು ಕುಣಿದಾಡಿದರೆ, ಇನ್ನು ಕೆಲವರು ಕುಡಿದು ಟೈಟ್ ಆದವರ ಸಹಾಯಕ್ಕೆ ಬಂದು ಅವರನ್ನು ಸುರಕ್ಷಿತವಾಗಿ ಮನೆಯವರೆಗೆ ಬಿಟ್ಟು ಮಾನವೀಯತೆ ಮೆರೆಯುತ್ತಾರೆ.
ಅಂದ ಹಾಗೇ ಈ ಸಲ ಧಾರವಾಡ ಜಿಲ್ಲೆಯಲ್ಲಿ 8 ಕೋಟಿ ಮೊತ್ತದ ಮಧ್ಯ ಮಾರಾಟವಾಗಬಹುದು ಎಂಬ ನಿರೀಕ್ಷೆ ಇದೆ ಎಂದು ಮದ್ಯ ಮಾರಾಟಗಾರರ ಸಂಘದ ಅಧ್ಯಕ್ಷ ಮಹೇಶ ಶೆಟ್ಟಿ ಕರ್ನಾಟಕ ಫೈಲ್ಸ್ ಗೆ ತಿಳಿಸಿದ್ದಾರೆ.
