ನಾಯಿಗೆ ಬೆದರಿ, ಚಲಿಸುತಿದ್ದ ರೈಲಿಗೆ ಸಿಲುಕಿದ್ದ ಸುಮಾರು 87 ಕುರಿಗಳು ಸಾವನ್ನಪ್ಪಿರುವ ಘಟನೆ ಶಿಡ್ಲಘಟ್ಟ ತಾಲ್ಲೂಕಿನ ಲಕ್ಕಹಳ್ಳಿ ರೈಲ್ವೇ ಹಳಿ ಮೇಲೆ ನಡೆದಿದೆ. ಹಳಿ ದಾಟುತಿದ್ದ ಕುರಿಗಳ ಮೇಲೆ ರೈಲು ಹರಿದ ಪರಿಣಾಮ ಈ ಘಟನೆ ಸಂಭವಿಸಿದೆ.
ಹೊಸಹುಡ್ಯ ಗ್ರಾಮದ ಈ ಕುರಿಗಳು ಆಂಜಿನಪ್ಪ , ಕೂದಲಪ್ಪ ,ದೇವರಾಜ್ , ಎಂಬುವರಿಗೆ ಸೇರಿದವು ಎನ್ನಲಾಗಿದೆ.
ಕುರಿಗಳೊಂದಿಗೆ ಕುರಿಗಾಯಿ ಕೂದಲಮ್ಮನಿಗೆ ಗಂಭೀರ ಗಾಯವಾಗಿದೆ. ಚಿಕ್ಕಬಳ್ಳಾಪುರದಿಂದ ಕೋಲಾರಗೆ ಚಲಿಸುತಿದ್ದ ಪ್ಯಾಸೆಂಜರ್ ರೈಲಿಗೆ ಸಿಲುಕಿ ಈ ದುರ್ಘಟನೆ ನಡೆದಿದ್ದು, ಸ್ಥಳಕ್ಕೆ ಬೈಯ್ಯಪ್ಪನಹಳ್ಳಿ ರೈಲ್ವೇ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
