ಅತ್ಯಾಚಾರದ ಆರೋಪದ ಮೇಲೆ ಬಂಧಿತನಾದ, ಮುಫ್ತಿ ಗುಲಾಮ ಜಿಲಾನಿ ಅಜಹರಿಯನ್ನು ಹಳೇ ಹುಬ್ಬಳ್ಳಿ ಪೊಲೀಸ ಠಾಣೆಗೆ ಕರೆತರಲಾಗಿದೆ. ಮಧ್ಯಪ್ರದೇಶದ. ಖಂಡವಾದಲ್ಲಿ ಅವಿತು ಕುಳಿತಿದ್ದ ಆರೋಪಿಯನ್ನು ಬಿಗಿ ಭದ್ರತೆಯಲ್ಲಿ ಇಂದು ಹುಬ್ಬಳ್ಳಿಗೆ ಕರೆತರಲಾಯಿತು.
ಹುಬ್ಬಳ್ಳಿ ಮೂಲದ ಯುವತಿಗೆ ಆತ ನಡೆಸುತ್ತಿರುವ ಮದರಸಾದ ಕೋಣೆಯೊಂದರಲ್ಲಿ ನಶೆ ಬರುವ ಮಾತ್ರೆ ಕೊಟ್ಟು ಬಲತ್ಕಾರ ಮಾಡಿದ್ದ ಎಂಬ ಆರೋಪ ಆತನ ಮೇಲಿದೆ.
ಮುಫ್ತಿ ಜೊತೆ ಬಲತ್ಕಾರಕ್ಕೆ ಸಹಕರಿಸಿದ ಮತ್ತೊಬ್ಬನನ್ನು ಸಹ ಬಂಧಿಸಿ ಹಳೇ ಹುಬ್ಬಳ್ಳಿ ಠಾಣೆಗೆ ಕರೆತರಲಾಗಿದ್ದು, ಆತನನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿ ನಂತರ ನ್ಯಾಯಾಲಯದ ಎದುರು ಹಾಜರ ಪಡಿಸಲಾಗುತ್ತದೆ.
ನ್ಯಾಯಾಲಯದ ಎದುರು ಹಾಜರ ಪಡಿಸಿದ ಬಳಿಕ ಗುಲಾಮ ಜಿಲಾನಿ ಅಜಹರಿಯನ್ನು, ಹೆಚ್ಚಿನ ವಿಚಾರಣೆಗೆ ಪೊಲೀಸರು ಕಸ್ಟಡಿಗೆ ಪಡೆಯುವ ಸಾಧ್ಯತೆ ಇದ್ದು, ಹಲವು ಸ್ಪೋಟಕ ಮಾಹಿತಿಗಳನ್ನು ಆತ ಹೇಳಿದ್ದಾನೆ ಎನ್ನಲಾಗಿದೆ.
